2017年12月16日 星期六

[BEAUTY] Clinelle Whitenup 皇牌亮白保濕系列 美白同時保濕誰說不可

冬天就是靜悄悄做好美白任務的好時機,為過去的夏天做補救,為下年的夏天做好準備。
想要美白,就要有效地抑制黑色素的活性,從而減少黑色素形成,達到美白淡斑的效果。
而令美白更為顯著的小秘密就是用上同一系列的產品,也會減低對皮膚過敏的機會。


這個秋冬用上了醫學美容品牌Clinelle Whitenup皇牌亮白保濕系列,
它的產品含有日本紫米精華、水解大溪地黑珍珠和雛菊精華,
配合維他命C,令美白力量加倍提升,有效淡化色素及色斑。


這次用上的是Clinelle亮白保濕潔膚凝露、亮白保濕爽膚液和亮白修護晚霜。


Clinelle亮白保濕潔膚凝露(HK$159/100ml)
潔膚露質地清爽,能有效去除肌膚雜質及增強肌膚天然屏障,令細胞更易於吸收護膚品的營養成份。
蘊含紫米精華及維他命C有效亮白及緊緻肌膚,防止皺紋產生同時給予滋養和刺激肌膚細胞更生。


Clinelle的產品上都印有到期日,乖乖的在產品開封後十二個月內用完啊~


Clinelle產品成品成份天然,無添加無酒精無香料。


Clinelle亮白保濕爽膚液(HK$189/120ml)
爽膚液含保濕成份,能幫助打造水嫩亮白肌膚,為下個護理步驟作好準備。



亮白保濕爽膚液是噴霧式,近距離噴可做重點補濕,遠噴效果不俗,能平均的分佈,適合妝後使用。


Clinelle亮白修護晚霜(HK$289/40g)
質地輕柔並蘊含滋養成份的修護晚霜,能減慢黑色素形成,使肌膚健康潤澤。
蘊含的皺菊精華能預防黑色素形成,研究證實可於14天內亮白肌膚。
而乳木果油及甘油硬脂酸能嫩滑肌膚同時強化肌膚天然屏障,以減低水份流失。


配上的防漏蓋衛生之餘也減少晚霜接觸太多的空氣而變質。


晚霜質地輕盈,用上臉並無黏膩感,特別易推開。
用後第二天早上覺得皮膚很水潤飽滿,惟美白效果仍需長時間觀察!


使用了Clinelle Whitenup皇牌亮白保濕系列產品一段時間,
就算在這轉季的天氣皮膚也很穩定,覺得很保濕沒有乾燥感。
醫學品牌來說這個價位十分親民,十分推薦大家去試試看呢。





Clinelle銷售點:指定莎莎、屈臣氏、AEON(康山.黃埔店)





| adachung414@yahoo.com.hk | chungdada@yahoo.com.hk |







2017年2月24日 星期五

[TRAVEL] 福岡六日五夜咁樣玩の福岡熊本由布院別府門司港北九州遊(下)

上集講左啲遊北九州嘅賽前準備後,今次就開始講下六日五夜嘅行程喇!
未看的按這裡:福岡六日五夜咁樣玩の賽前準備

Day 1:到達 → 博多(宿:Hotel SUNLINE福岡博多站前)
Day 2:熊本(宿:Hotel SUNLINE福岡博多站前)
Day 3:由布院(宿:庒屋之館)
Day 4:別府(宿:Hotel SUNLINE福岡博多站前)
Day 5:下關 → 門司港 → 天神(宿:Hotel SUNLINE福岡博多站前)
Day 6:滿載而歸歸港

Day 4:別府(宿:Hotel SUNLINE福岡博多站前)


Check out左之後就開始新一日嘅行程喇。
係由布院搭一個鐘車就可以去到別府。


唔好睇少別府駅前呢個人像呀。
佢係我地今次別府之旅-別府地獄溫泉-嘅創辦人,油屋熊八。佢仲對別府嘅觀光發展有好大貢獻咖。


講起別府一定會諗起佢地最有名嘅溫泉。
別府溫泉流出量係日本首屈一指,別府地獄溫泉就係一個可以比你一次睇晒咁多種類溫泉嘅旅程。
地獄八湯為海地獄、鬼石坊主地獄、山地獄、灶地獄、鬼山地獄、白池地獄、血之池地獄和龍卷地獄。
你可以參加Bus Tour等司機送你去每個地獄參觀,但時間太不彈性,所以我地都係決定自己去冒險。

另外,每個地獄都需要入場費¥400的,而買套票就是¥2100,也就說你看六個地獄的話買套票會較划算。


從以上嘅地圖黎睇,你一定以為一個地方就可以睇晒地獄八湯。錯!唔好比上面呢張圖擾亂你視線呀。
圖中最上個六個地獄係同血之池地獄同龍卷地獄有一定嘅距離,係需要搭車先去到的。
我個人認為別府地獄溫泉唔算易玩,係上網搵左無數咁多資料之後,決定左以下嘅行程。

首先係JR別府駅西口搭龜井巴士2、5或者41號車,到「海地獄前」下車,
從海地獄開始逛完前面六個地獄之後,走到「鐵輪」搭16號車到「血之池地獄前」玩最後兩個地獄,
最後係「血之池地獄」搭16號車返別府駅。

另一個玩法係由「鐵輪」玩起,最後先去到海地獄,但由於唔太順路,我就不推薦不多說了。


第一站海地獄。


海地獄係八湯入面佔地最大嘅一個,亦係我認為最震撼最令人嘩然的一個。
海藍色嘅九十八度高溫泉水,到處都煙霧迷漫,十分有氣勢!


鬼石坊主地獄就正正係海地獄旁邊,係個灰色嘅泥漿溫泉。


一個個泥漿氣泡噗通噗通跳起,好不有趣。
不停在想如果泥漿跳起嘅時候彈到我我會唔會馬上融化,哈哈。


山地獄也是泥漿溫泉,不過是泥黃色的,
這個有點嘔心,將是滂沱大雨時山路的泥。


山地獄園區有個小食亭,裡面都是賣用溫泉蒸氣而蒸熟的食物。
有蕃薯、票米、饅頭等等,而我手上的是蒸雞肉,雞肉很嫩滑,十分好味!


灶地獄係橙紅色嘅泥漿溫泉。


園區內有可以喝的溫泉水和可以蒸面的溫泉水蒸氣,聽說蒸面後會年輕了十歲。



除了溫泉供觀賞外,鬼山地獄還有很多惡魔睇場,小孩看到會害怕吧。


白池地獄就是普通的透明溫泉水。


感覺沒有甚麼特別,就是現場白濛濛一片。
然後此地獄有不同種類的魚,但因為牠們都長得很嘔心,所以就沒有拍了。


玩完前面六個地獄後就搭車去睇血之池地獄。
其實一路上都有好多香港遊客,所以遇到問題唔識路嘅都可以問或者直接跟住佢地尾哈哈。


血之池雖然唔係真正嘅血紅色,但一片磚紅色嘅溫泉水都一樣壯觀。

龍卷地獄就係血之池地獄旁邊,走幾步路就到。
呢個地獄嘅特別之處就係佢會好似龍卷咁係山口噴上黎,
但係每三十至四十分鐘先會噴一次,每次維持六至十分鐘。
我地入場個時已經開始緊,好彩接待處姐姐叫我地快啲跑入去睇,唔係就要白白等半個鐘了。

看完成個別府地獄溫泉大概用左三小時左右,
如果你時間充裕的話,我都好建議大家排半日黎玩,畢竟呢啲大自然景象香港好難睇得到。
但時間有限嘅話,我認為可以刪去血之池地獄和龍卷地獄,始終佢地比較遠,壯觀程度又冇前幾個誇張。
至少一定一定要行海地獄和鬼石坊主地獄,我覺得這兩個是最美最值得的。


每次到日本都一定要吃的Mister Dounts。


晚餐就係超市臨關門前嘅特價品,有和牛飯、炸雞、生果、大福等等,好豐富吧。


Day 5:下關 → 門司港 → 天神(宿:Hotel SUNLINE福岡博多站前)


第五日亦係最後一日嘅早上我地就去左下關,而去下關嘅主要目的就係去九州相當之有名嘅唐戶市場。
唐戶市場係新鮮漁貨市場,星期一至四嘅唐戶市場只係做一般嘅海鮮批發,遊客未必感到興趣,
但係逄星期五、六、日或者假期都會有活きいき馬関街活動,場內嘅店鋪都會有新鮮刺身、壽司等販賣。
唐戶市場同東京築地或是大阪黑門市場唔一樣嘅係佢冇因為多遊客而變得商業化,
庶民的價格就可以食到新鮮嘅食材,所以吸引到好多遊客特意到來。


唐戶市場
地址:山口県下關市唐戶町5-50
http://www.karatoichiba.com/

去下關唐戶市場嘅方法有好多,既可搭巴士又可以搭船,可惜網上交通資料零碎,令我一度想放棄!
但為了不讓睇過電視介紹後就一直好想去嘅爸爸失望只好硬著頭皮繼續搵最適合嘅交通路線,
而基於我地買左5日JR Pass,所以我地最後都係選擇搭JR去。

首先係博多搭特急去到小倉,係小倉轉普通JR到門司港站,跟住指示牌行一分鐘左右到門司港棧橋搭關門連絡船至下關,落船後向右手面方向一路行就到唐戶市場。

看似複雜又費時,但為了吃到新鮮又便宜嘅壽司,同埋感受唐戶市場嘅熱鬧氣氛就沒辦法了。


一入門口已經見到下關特產河豚,場內亦有售賣河豚刺身、河豚乾、燒河豚肉等等。



唐戶市場一樓主要售賣新鮮魚類,而外圍的室內店鋪多是乾貨、雪藏類,有唔少遊客都選購寄返香港。
二樓為食堂,旁邊亦有擺放餐桌比大家買完食物後坐係到慢慢品嚐。


市場內有塊區域特別熱鬧嘈吵,原來就係我地要搵嘅野!
一個個海鮮丼都係¥1000,只係港幣70蚊唔洗,係香港應該要百幾二百蚊先食到。


從來都未試過咁樣一舊舊夾啲壽司,
生魚片又厚又大塊,海膽三文魚子等軍艦壽司亦夠晒份量,並唔係超級市場嘅質素。


買完我地嘅早餐之後我地就拎左出去海傍到食,
雖則天氣有啲凍,但係太陽照射下總叫暖和,而且比場內吃這裡更有feel呢。


望住個大海食個新鮮有海水味嘅海膽飯,山長水遠轉幾程車入黎乜都抵返晒。


食完之後我地就搭船出返去門司港了。


門司港位於九州最北面,古時為外國航路據點及繁榮嘅貿易港,所以周圍充滿著西方懷舊建築。
而且位於海峽旁邊,係呢到除左可以欣賞西洋風嘅建築物外,仲可感受海港風情,特別悠閒寫意。


門司港環境幽美寧靜,而且有好多不同主題嘅博物館同藝術館,
但由於我地下午仲有更重要嘅行程,所以我地只係係出面影下相就沒有多留了。



更重要嘅行程就係要返去天神區瘋狂購物,
六日五夜嘅行程入面大多都係觀光,就只留左呢半日去最後衝刺!
天神好好行呢,除左附近有好多商場之外,地下街亦係不可忽略。

行行下仲見到Bake芝士撻,雖然一樣要排長龍,但人龍絕對比銅鑼祟光百貨的短!
新鮮出爐嘅芝士撻超級好味,外皮鬆脆,流出黎嘅芝士熱辣辣,可以一個人啪幾個呀。


季樂
地址:福岡市中央区西中洲6-8
http://kira.saga-ja.jp/

係福岡嘅最後一個晚上我地去左食蔡瀾大大力推介嘅季樂。


季樂係由出產佐賀牛嘅JA佐賀直營嘅佐賀牛料理專門店,係呢到可以品嚐到A5級佐賀牛料理。
店內二樓係自己動手嘅燒肉,三樓係由大廚為你下廚嘅鐵板燒,價錢當然是有分別囉。


季樂嘅總店位於佐賀,我地今次行程沒有去佐賀,所以只好去博多的分店。
博多季樂位於天神橋旁邊,零零舍舍有一幢銀色很顯氣派嘅建築就是了,就在一蘭總店斜對面特別好搵。
其中一張檯坐係落地玻璃隔壁,可以一邊燒肉一邊欣賞天神夜景,但,它是大檯,沒有我們的份兒了。


季樂有不同嘅佐賀牛套餐,亦可以單點。
套餐價錢大約為300至700元港幣一份,包括沙津、前菜、主菜、白飯、飲品等等。


我地點嘅套餐入面包括馬肉刺身,
馬肉刺身係福岡嘅特產,鼓起勇氣抱住一世人乜都要試下嘅心態去試……
食完發覺同普通生魚片刺身冇咩分別,唔係話特別好味,所以下次可以唔洗再食(掩咀)。


我地三個人分別叫左一份套餐,入面嘅肉類包括佐賀牛、佐賀和牛,仲有特級豚肉等。
最後埋單大約2000元港幣,以高級燒肉餐廳黎講,呢個價錢都係可接受範圍內,
而且餐廳環境舒適,每張檯都為包廂形式,服務周到,場內又沒有煙霧迷漫一浸浸的烤肉味,
所以十分推薦季樂比黎福岡想食燒肉嘅大家(記得提早打電話去預約呀)!

今次嘅行程雖然消耗左好多腦力,但係去完成壯舉後覺得一切都係值得呢。
九州之美實在唔能夠係短短六日好好欣賞得到,下次要安排更長嘅假期去玩埋九州其他地方呢。

除左小試牛刀學人打遊記外,仲小試埋以下嘅短片,想睇更多福岡遊資料嘅朋友仔就入去睇喇。














| adachung414@yahoo.com.hk | chungdada@yahoo.com.hk |




Related Posts Plugin for WordPress, Blogger...